تقول اشتقتلي
واقول لك
عسى العافيه تشتاقلك
يا كثر شوقك تدير ظهرك
وما اتعنى عني بسؤالك
الله بالخير يجزاك
يا كيف وانت مشتاق تفارق
وشلون عاد لو تعوف شوقك
شنو يبقالي بعد ويبقالك
المهم وصاتي ورجائي لك
سلملي على الشوق
ترى الحياه أشبه بدوامه
وإحنا بوسطها فلك
غريب ماله إقامه
والناس حولنا ذا يعوم على عومك
وذا يعوم على عومه
من يتشبث فيك تمسك فيه
ومن يترك إيدك
إبعد خياله عن خيالك
و انتظر لين دوامتك تهدا
وتحط مراسيها
وصفي بعدها مع الشوق حسابك
ليست هناك تعليقات:
إرسال تعليق